Железото е есенцијален минерал кој игра клучна улога за здравјето и развојот на децата. Неговиот недостаток може да доведе до сериозни здравствени проблеми, вклучувајќи ја и анемија, која е особено честа кај малите деца и бремените жени.
Железото е од суштинско значење за неколку функции на организмот, вклучувајќи го и транспортот на кислородот по пат на хемоглобинот во црвените крвни зрнца.
Во развојот на мозокот кај фетусот и новороденчињата, железото е особено важно, бидејќи придонесува за правилен развој на когнитивните функции.
Железото, кое потешко се апсорбира, се наоѓа во повеќе растенија, вклучувајќи ги:
Мешунки (грав, леќа)
Житарки
Зеленчук (брокула, спанаќ, блитва)
Сушено овошје (суво грозје, смокви).
Иако цвеклото и спанаќот содржат железо, треба да се спомене дека гравот и леќата обезбедуваат значително поголеми количества од овој важен минерал. Консумирајте зеленчук со витамин Ц, додадете домати, пиперки или цитрусно овошје во оброците за да ја подобрите неговата апсорпција.
Поради брзиот раст, децата се изложени на посебен ризик од недостаток на железо, додека во првите години од нивниот живот се поставуваат основите за развој на интелигенцијата, видот и говорот.
Затоа е важно родителите да обрнат внимание на исхраната на своите деца, обезбедувајќи им соодветен внес на железо за поддршка на здравиот раст и развој.
Денес
