Арсенал сериозно напредуваше во одбрана под водство на Микел Артета и тоа особено дојде до израз во последните две сезони, но ако треба да се бира еден дефанзивец кој е најдобар, тогаш дилеми немаат и самите играчи од првиот тим.
Вилијам Салиба прерасна во еден од најдобрите стопери во светот и веќе сите гледаат на него со огромна почит во Премиер лигата, а воодушевени од тоа како се справува со противниците се и неговите соиграчи.
Бен Вајт вели дека никогаш не видел толку добар стоперски пар како Салиба и Габриел, но сепак во фокусот го става францускиот дефанзивец.
– Салиба е неверојатен во секој поглед, не може да се пронајде ниту една слабост во неговата игра. Не може да кажете дека треба да работи на нешто во својата игра.
– Тоа што го гледаме на тренинзите е навистина чудно. Едноставно не може да го помине никој на тренинзите на Арсенал. Напаѓачите дури престанаа да се обидуваат, бидејќи знаат дека немаат шанса, – вели Бен Вајт.
