Актерката Лејтон Мистер е најпозната по улогата на Блер Валдорф во хит серијата „Gossip Girl“, а малкумина знаат дека таа поминала низ пекол во приватниот живот.
Лејтон е родена во 1986 година во затворска болница, бидејќи нејзината мајка Констанс Мистер тогаш отслужуваше затворска казна од 16 месеци.
Три години пред раѓањето на нејзината ќерка, Констанса и уште неколку членови на семејството прошверцувале 544 килограми марихуана од Јамајка во Америка, што било причина за нивното апсење. Покрај тоа, тетката на актерката беше првата жена во Америка која се најде на листата на 15 најбарани криминалци откако избегала од затвор.
По породувањето, на Констанса и било дозволено да го држи бебето во притвор 3 месеци, а потоа нејзината баба и дедо ја презеле грижата за актерката.
„Сфатив дека не можам да осудувам никого, особено не моите родители за она што го правеле во минатото, бидејќи луѓето се менуваат“, изјави еднаш Лејетон.
Меѓутоа, подоцна актерката ја тужела мајка си затоа што парите што и ги праќала за издржување на болниот помал брат ги потрошила на естетски третмани, пластични операции, ботокс и продолжување на косата. По четири години ја добила судската битка против нејзината мајка.
Поради нејзиниот брат, кој се бори со повеќекратни дијагнози, актерката и испраќала повеќе од седум илјади долари месечно. Таа побарала и старателство над нејзиниот брат, а по пресудата во нејзина корист не побарала никаков паричен надоместок, туку само мајка и засекогаш да исчезне од нејзиниот живот. Меѓутоа, нејзината мајка возвратила со противтужба и тврдела дека го прекршила договорот и физички ја малтретирала.
Таа раскажа како ќерка и ветила дека ќе и дава 10.000 долари месечно, но таа сума ја намалила на „само“ 7.500 долари. Таа се пожалила и дека ја жртвувала среќата за актерската кариера на нејзината ќерка и се преселила во Лос Анџелес. Сепак, таа подоцна ја повлече жалбата.
