На кој начин делува кремот за сончање?

Точка

24/06/2024

21:00

5.754

Големина на фонт

а а а

Но, колку често треба да нанесувате крем за сончање, кој тип треба да го користите и како делува?

Повеќето од нас се запознаени со факторот (SPF), односно бројката којашто го означува степенот на заштита што го нуди кремот за сончање. Колку е поголем бројот, толку поголема заштита нуди.

Многу брендови исто така се служат со оценка од една до пет ѕвезди.


SPF ви кажува колкава заштита се обезбедува од УВБ зрачење. Ѕвездениот систем ви го кажува процентот на УБА зрачење што се апсорбира од кремот за сончање во споредба со тоа колку УБВ се апсорбира.

Што се УВА и УВБ?

Ултравиолетовите А и Б се однесуваат на различни бранови должини на зрачење од сонцето што влегуваат во земјината атмосфера.

УВА е поврзан со стареење на кожата и пигментацијата, како и со рак на кожата, особено со сквамозен карцином (втор најчест тип на рак). Може да влијае на човечката кожа дури и преку стакло.

УВБ предизвикува изгореници од сонце и е поврзан со одредени видови на рак на кожата - карцином на базалните клетки (најчест тип) и малигнен меланом.

Кремот за сончање не ги спречува сите видови оштетувања на кожата, па за максимална заштита се препорачува прекривање со облека и престојување под сенка кога сонцето е најсилно.

Што значат бројките?

Бројот на заштитен фактор испишан на кремот за сончање се однесува на тоа колку УВБ дозволува да влезе, а не колку блокира.


Кремот за сончање со заштитен фактор 15 дозволува една петнаесетина од сончевите зраци да допрат до вашата кожа, или околу 7%.

Се филтрираат околу 93% проценти од УБВ зраците, додека SPF 30 филтрира околу 97%.

Ова значи дека ако можете да останете на сонце 10 минути незаштитени без да изгорите, SPF 15 теоретски ќе ви даде 15 пати поголема заштита, или два и пол часа пред да изгорите.

Бројот на ѕвезди се однесува на процентот на УВА апсорбирана како сооднос на тоа колку УВБ се апсорбира. Бодувањето се движи од една до пет ѕвезди, а пет се најефикасни.

Заштита од сонце со низок SPF може да има висок рејтинг на ѕвезди, бидејќи односот на заштитата од УВА и УВБ е ист како кај производ со повисок заштитен фактор.

Идеално, сакате крем за сончање со висок заштитен фактор и висок рејтинг на ѕвезди.


Колку е ефикасен најдобриот крем за сончање?

Овие нивоа на заштита претпоставуваат дека кремот за сончање е нанесен во идеални услови.

Во реалноста, повеќето луѓе не нанесуваат крема за сончање на совршен начин и може да се избрише од потењето или додека се во вода. Експертите мислат дека повеќето луѓе применуваат само половина од препорачаната количина.

Британската асоцијација на дерматолози вели дека кремот за сончање со заштитен фактор 30 е „задоволителна форма на заштита од сонце, покрај сенката и облеката“, и дека треба повторно да се нанесува најмалку на секои два часа, без разлика на тоа каков SPF се нанесува.

Упатството на ЕУ наведува дека кремот за сончање треба да се продава само како заштита од сонце „50+“ и да не користи оценки од 80 или 100 што може да се најдат во некои земји.


Дополнително, ЕУ смета дека овие би можеле да бидат погрешни за тоа колку дополнителна заштита обезбедуваат: SPF 50 обезбедува околу 98% заштита, додека 100 би обезбедиле помалку од 100%.

Ниту еден производ не обезбедува 100% заштита од сончевите зраци.

Што е со кремите за сончање „еднаш дневно“?

На пазарот има многу креми за сончање со „продолжено носење“ кои се рекламираат дека се за употреба „еднаш дневно“. Многумина тврдат дека нудат заштита до осум часа - ако се применува правилно.

Но, некои дерматолози препорачуваат дека овие производи сепак треба да се нанесуваат барем на секои два часа, како и секој друг крем за сончање, бидејќи ризикот дека можеби сте пропуштиле место - или дека тоа ќе се трие или измие во тоа време - е превисок.



Спонзорирани линкови

Маркетинг