Во поткастот „Table for Two“ со Брус Бози, 71-годишниот актер објасни дека очекува неговите две деца, кои ги има со сопругата Емили Ливингстон, Чарли (8) и Ривер (6) финансиски сами да се издржуваат кога ќе пораснат.

„Еј, знаеш, мора сам да веслаш“, вели Голдблум.

„Нема да го сторам тоа наместо тебе. А ти нема да сакаш да го направам тоа наместо тебе. Мораш да смислиш како да сфатиш што се сака и што е потребно и каде тоа се вкрстува со твојата љубов и страст и она што можеш да го направиш. Дури и ако не се вкрстува, можеби ќе треба да го направиш тоа во секој случај“, додава тој.

Неговото мислење го делат и други ѕвезди

Во поткастот Голдблум истакнал дека пораснал работејќи за свои пари. Кога сфатил дека му требаат пари како тинејџер, го прелистал телефонскиот именик и се јавил на места кои имале клавири за да ги праша дали им треба свирач.

„Добив неколку работи. Постоеше дел од мене кој сфати дека тоа е важно“, рекол актерот.

Голдблум не е единствената ѕвезда која не планира финансиски да ги издржува своите деца кога ќе пораснат. Гордон Ремзи, Ештон Качер и Елтон Џон исто така изјавија дека сакаат нивните деца сами да се финансираат.