Екипата на Лос Анџелес Клиперс излезе како победник од пеколната битка со Далас Маверикс и успеа да израмни на 2-2 во плејоф серијата на Западот.
Гостите од Калифорнија славеа со 116-111 во меч во кој прокоцкаа предност од 31 поен, но сепак на крајот го имаа последниот збор и дојдоа до славје кое е од огромно значање затоа што го вратија „брејкот“.
Домаќините сигурно ќе имаат за што да жалат со оглед на напорот и пресвртот што го направија, ама останаа без сили кога беше најпотребно и тоа ги чинеше пораз кој ги става во сосема друга позиција во однос на тоа ако славеа на овој натпревар.
Харден и Џорџ беа во елемент и заедно искомбинираа 66 поени, кај поразените Ирвинг реализираше 40, а Дончиќ пак имаше дабл-дабл од 29 поени и 10 скока.
Феникс Санс е првата елиминирана екипа од плејофот, а за тоа се погрижи Минесота Тимбервулс која го „измете“ составот од Аризона со чисти 4-0.
„Волците“ рано утрово славеа со 112-116 во дуел во кој лидер беше Едвардс со 40 поени, Таунс додаде 28 кошеви со 10 скока. Кај „сонцата“ залудни беа 49 кошеви на Букер и 33 на ветеранот Дурент.
Индијана Пејсерс пак беше подобра од ослабениот Милвоки Бакс со 126-113 и сега води со 3-1 што значи е на чекор од конференциско полуфинале на Истокот.
