Со оглед на тоа дека поради климатските промени, претераното ловење и валкањето коралите се глобално загрозени, вработените задолжени за конзервација на загрозените видови во зоолошката градина „Burgers“ во холандски Арнем одлучила да создадат своевиден резервоар за тој загрозен вид.

Да се спречи изумирање

Откако условите ќе се поправат, коралите би можеле повторно да се вратат во своите изворни живеалишта, рекол биологот вработен во зоолошката градина Ниенке Клеркс.

„Со овој проект создаваме своевидна резерва на корали. Поради тоа, во случај во дивината да изумрат, ние и натаму ќе ги имаме во аквариум, рекла Клеркс.

Поради многу бавниот раст на коралите, а тоа е годишно од неколку милиметри до неколку центиметри, ќе минат години пред кој било корал да може да се врати во дивината. Но, дури и во тој случај условите би морале важно да се подобрат за коралите таму да можат да растат и да напредуваат, рекла Клеркс.

Зоолошката градина работи на проект за изградба на корален резерват заедно со Океанографскиот музеј на Монако и уште два француски аквариуми, а Клеркс се надева дека во проектот ќе им се приклучат и други зоолошки градини.