Неверојатна приказна доаѓа од Рио де Жанеиро, каде жена е уапсена откако, наводно се обидела во банка да добие кредит водејќи со себе мртов маж?!
Приказната прво ја објави „TV Globo“, најголемиот емитер на вести во Бразил, а снимката се појавила на социјалните мрежи.
На снимката гледаме жена која стои покрај блед постар маж во количка. Се гледа како го придржува за врат, а го нарекува вујко.
Таа, наводно, се претставува како внука на мажот и потоа побарала заем во висина од 3.400 долари.
🛑🛑🛑🛑
— Ronald Ricardo Arellano (@RonaldRicardoA7) April 17, 2024
🇧🇷 #Brasil
El video muestra a una mujer con su tío muerto en el banco para obtener un préstamo en Río.
La mujer fue identificada como Érika de Souza Vieira y fue detenida el martes 16 de abril en Río de Janeiro https://t.co/eDAkygPwGp pic.twitter.com/zZhEDj5KKT
„Вујко, слушаш ли? Треба да потпишеш договор за заем. Ако не потпишеш, нема шанси, бидејќи јас не можам место тебе“, вели таа.
Службеникот на банката, кој ја направил снимката, одговара: „Ми делува дека не е добар, неговата боја“.
Жената возвратила: „Тој е таков. Не зборува ништо“.
Вработените во банката набрзо повикале полиција.
„Во банката веќе беше починат. Главната работа е да ја продолжиме истрагата за да ги пронајдеме членовите на семејството и да дознаеме повеќе за случајот“, рекол за „TV Globo“ шефот на полицијата Фабио Луиз.
Доколку се покаже дека жената е виновна, може да одговара да обид за измама.
Надлежните ги истражуваат околностите под кои мажот починал, а неговото тело е пренесено во Институт за судска медицина.