Шармантниот скриен скапоцен камен во Грција се најде во центарот на вниманието по премиерата на популарната серија на „Netflix“, „One Day“, која ги прикажала прекрасните локации на островот.
Станува збор за Парос, кој може да се пофали со шарм и пријатна атмосфера, но без гужви и високи цени, особено во лето.
Меѓутоа, тоа би можело да се промени благодарение на хит-серијата од 14 епизоди која ја следи љубовната приказна помеѓу двајца пријатели, Ема Морли и Декстер Мејхју – сместена во 1980-тите и 1990-тите.
Парот од серијата летува на Парос, а во тие епизоди се прикажани живописните пејзажи на островот.
Иако островот никогаш не бил скриен, тој дефинитивно не е толку популарен како што се Санторини, Крит и Кос. Парос често е потценет, но со својот бел мермер и прекрасните плажи, тој е дестинација која не треба да ја пропуштите.
Лоциран во срцето на Егејското Море, островот опфаќа многу од клучните карактеристики кои историски ги привлекувале посетителите во другите делови на Грција. Тие вклучуваат живописни села, пространи плажи и и заливи, слободни кози кои пасат, антички манастири: спој на топло гостопримство, опуштен шарм и природна убавина, според express.co.uk.
Податоците на „Airbnb“ покажуваат дека пребарувањата за Парос се зголемиле за речиси една третина (32%) од емитувањето на ТВ серијата.
Овој живописен остров нуди многу активности за време на вашиот одмор. Плажата Санта Марија е позната по сурфањето.
На островот се наоѓаат неколку прекрасни села кои можете да ги посетите. Шармантните куќи од бел камен со сини врати и прозорци ќе ве остават без здив.
Едно од селата, наречено Лефкес, е особено убаво. Се наоѓа на рид, опкружено со борови дрвја, а погледот е неверојатен.
Луѓето сакаат да шетаат низ овие села, да се фотографираат и да уживаат во локалната храна.
