Естрадниот менаџер Новак Радин (40) е уапсен во Белград кога во него биле пронајдени 50 грама кокаин, како и пиштол што го чувал во својот стан.
Високото јавно обвинителство се огласи за случајот на Новак Радин. „Тој е притворен поради сомнение дека неовластено поседувал 43,17 грама наркотична дрога кокаин за натамошна продажба, како и поради тоа што неовластено поседувал пиштол и муниција“.
Осомничениот го негираше делото за време на рочиштето, но Обвинителството по сослушувањето му предложи на судијата да му се одреди мерка притвор за да не го повтори кривичното дело. По наредба од истрагата тој се товари за кривичното дело „Неовластено производство и пуштање во промет наркотични дроги“.
Против осомничениот ќе бидат преземени доказни дејствија за утврдување на елементите на кривичното дело „Неовластено изработување, држење, носење и тргување со оружје и експлозивни материи од член 348 ст. 1“ од Кривичниот законик.
Според наредбата за спроведување на истрагата, Новак Радин во фрижидер во станот во Земун каде што престојувал непријавено чувал 43,17 грама опојна дрога кокаин, наменета за натамошна продажба на крајните корисници, кои ќе му се јават преку мобилен телефон на неговиот број за да се договорат за количината, цената, времето и местото на купување.
Во џебот од јакната на осомничениот е пронајдено стаклено шишенце со вградена лажица, како и 475.000 српски динари и 1.620 евра“.
