Ламин Јамал е страшен фудбалски талент и тоа го докажува од меч во меч на 16-годишна возраст, а вчера брилјираше на стадионот кој е дом на најголемиот ривал на Барселона.
Шпанија вчера играше против Бразил на „Сантијаго Бернабеу“ и натпреварот заврши 3:3, но најголем дел од опасноста по голот на „кариоките“ пристигна од десната страна.
Ламин беше несопирлив за своите ривали во жолти дресови, комплетираше дури 12 успешни дриблинзи и имаше повеќе од цел тим на Бразил, но исто така изнуди и еден пенал и асиситираше до Олмо при голот за 2:0.
Вонсериското издание на 16-годишниот тинејџер беше препознаено од цела шпанска публика на трибините, па сите присутни на „Сантијаго Бернабеу“ го поздравија со овации кога го напушти теренот.
Андрес Иниеста беше последниот играч на Барселона кој доби овации во домот на „кралевите“, а претходно тоа му успеа и на легендарниот Роналдињо.
Lamine Yamal vs Brazil - Masterclass
— Jan (@FutbolJan10) March 26, 2024
Standing Ovation for the 16 year old 💎 pic.twitter.com/v3iBCVcz6y
Lamine Yamal gets standing ovation at Santiago Bernabeu👏👏👏 pic.twitter.com/x7zKDajI9X
— FCB_10🇦🇷🐐 (@faruqeey) March 27, 2024