Клоп бара засилување во одбраната, мета е дефанзивец на Волфсбург

Макфакс

09/12/2023

18:18

1.242

Големина на фонт

а а а

Фудбалскиот клуб Ливерпул ќе донесе засилување во зимскиот преоден рок поради повредата на Жоел Матип.

Стоперот ја заработи најтешката повреда, ги скина предните вкрстени лигаменти и оваа сезона за него е завршена, па Ливерпул ќе се обиде да донесе адекватна замена.

Наводно, желба на Јирген Клоп е дефанзивецот на Волфсбург, Максен Лакроа.

Станува збор за 23-годишен Французин, кој во летото 2020 година од Сошо пристигна во Волфсбург за пет милиони евра.

Висок е 190 сантиметри, исклучително е силен, но и брз и е по вкусот на Јирген Клоп.

Тој има договор до јуни 2025 година, а се верува дека за негов трансфер се доволни околу 30 милиони евра.

Во Ливерпул се свесни дека не можат да останат само со Ван Дајк и Конате, а Гомез во ротацијата со овие двајца не е најдобро решение.



Спонзорирани линкови

Маркетинг