Славната Ким Бесинџер и денес е синоним за вистинска убавина. Со години се зборувало дека таа е една од најубавите жени на светот. Мажите воздивнувале по неа и таа со својата појава никого не оставала рамнодушен.
Ретко денес можеме да ја видиме во јавноста, а кога тоа ќе се случи никој не е подготвен да го прифати фактот што оваа некогаш гламурозна дама денес изгледа поразлично.
Таа важи за една од најпознатите холивудски актерки на 20 век, а со причина ја носи титулата секс-симбол.
Уште како девојче сакала да стане актерка, а таа желба секако дека се остварила. Од мали нозе се занимавала со танц, пливање и гимнастика. Иако е тешко да поверуваме, таа била многу срамежлива во детството и тешко склопувала пријателства поради недостатокот на самодоверба.
Пливањето и балетот многу ѝ помогнале да го надмине тој проблем и повеќе да верува во себе.
На 16 години таа победила на тинејџерски избор за Мис, ја започнала манекенската кариера и потпишала договор со првата агенција – „Ford Modeling“, па станала еден од најбараните модели, но од сонот да биде актерка не се откажала.
Зад себе има два пропаднати брака, а вториот со Алек Болдвин со којшто ја има ќерката Ајрланд. Драмата околу разводот траела шест години, а после борбата за старателство доделено било заедничко. Со години Ким и Алек биле во кавга, а актерката имала и некои важни улоги во тој период.
Денес е во среќна врска со фризерот Мич Стоун со кој запловила во романса во 2014 година. Во јавноста ретко се појавува, води мирен и таен живот.
