Енцо Фернандез преживеа голема трансфер драма во месец јануари, бидејќи најпрво избегнуваше тренинзи со Бенфика со цел да изнуди трансфер во Челси, а потоа откако работата малку се смири, покажуваше дека е верен и лојален и се извинуваше на фановите на португалскиот клуб.
На средината на месец јануари се доби впечаток дека оваа операција е завршена, но последните три дена од преодниот рок Челси повторно ги интензивираше преговорите и на крајот го договори неговиот потпис.
Аргентинецот за рекордни 121 милиони евра направи трасфер во Премиер лигата и после само шест месеци ја напушти Бенфика, која пак одново ја наполни својата каса од продажба на млад фудбалер.
Adeptos do Benfica: "Quem é o Enzo? Je ne sais pas." pic.twitter.com/vV5hUP1gHT
— Cabine Desportiva (@CabineSport) February 4, 2023
Фернандез во петокот имаше деби настап за Челси и покажа неколку добри потези, но вчеравечер се најде на удар од преполниот „Луж“ во Лисабон, каде навивачите на Бенфика смислија и песна за предавникот.
– Кој е Енцо…… Не знаеме, – гласи песната која набрзина ја смислија навивачите на Бенфика и која вчера во повеќе наврати беше актуелна на „Луж“ во победата над Каса Пија (3:0).
