На почетокот на оваа година, "Apple" конечно им понуди на програмерите пристап до својата "NFC" технологија. Сега пристигна првата алтернатива на "Apple Pay".
Не само што корисниците на "iPhone" во Европската унија добиваат пристап до "NFC", туку и другите региони можат да ја искористат оваа технологија. "Vipps MobilePay" во Норвешка на тој начин стана првата алтернатива на "Apple Pay", која користи домашна технологија "NFC" за трансакции „tap-to-pay“.
„Допрете со Vipps“ работи за испраќање пари на пријатели и купување онлајн, но тоа не е се. Можете исто така да плаќате организации и здруженија, така што оваа апликација е всушност како комбинација од она што го прават "PayPal" и "Apple Pay".
Причината зошто "Apple" го отвора пристапот до својата "NFC" технологија е првенствено поради притисокот од ЕУ. Во јули, компанијата потпиша договор со Европската комисија за отворање на "NFC" технологијата за "iPhone", со што ќе избегне законска казна до 10% од нејзиниот годишен обрт од 40 милијарди долари ширум светот.
"Vipps" е норвешка компанија и моментално работи само таму, а корисниците кои припаѓаат на повеќе од 40 локални банки ќе можат да го користат „Tap with Vipps“ за плаќање додека компанијата планира да додаде уште банки на списокот. Поддршката за "MasterCard" и "Visa" картичките доаѓа пред летото 2025 година.
Успешната приказна на "Vipps" е веројатно првиот пример за предизвик за монополот на "Apple Pay" врз "iPhone"-ите, па ќе биде интересно да се види кога другите ќе тргнат по нивните стапки.
