Ана, некогаш среќно дете, го заврши своето детство со трагедија – пронајдена е мртва на 5 мај 1980 година.

Љубовта на мајката кон своето дете е толку силна, што зборовите не можат да ја опишат. Една мајка, која се бори за своето дете, стана симбол на храброст. Маријана Бахмајер стана дел од историјата, а нејзиното име го чу цел свет на 6 март 1981 година.

Самохраната мајка, Маријана, го застрела сексуалниот престапник кој ја уби нејзината седумгодишна ќерка Ана, среде преполната судница. Таа ја зеде правдата во свои раце и испука осум куршуми кон убиецот. Шест од нив го погодиле Клаус Гравовски, кој починал веднаш. Маријана беше осудена на шест години затвор за убиството.

Маријана и нејзиниот живот пред трагедијата

Иако Ана беше единственото дете со кое живееше, Маријана имала и други деца. Во 1966 година, на само 16 години, родила бебе кое било посвоено. Две години подоцна, повторно останала бремена, но и тоа дете било посвоено. Наводно, Маријана била жртва на сексуална злоупотреба пред раѓањето на второто дете.

Во 1972 година, започнала врска со менаџерот на пабот „Типас“, каде што работела. На 22 години, го родила своето трето дете – Ана, на 14 ноември 1972 година. За разлика од претходните деца, Маријана одлучила да ја задржи Ана и да ја одгледува.

Работејќи ноќни смени, таа честопати ја водела Ана со себе на работа. Поради тоа, девојчето честопати било без соодветен надзор. Но, животот на Ана завршил трагично – на 5 мај 1980 година, нејзиното тело било пронајдено мртво.

Трагедијата која го уништи животот на Маријана

На кобниот ден, Ана ја напуштила училиштето по расправија со својата мајка. Неколку часа подоцна, била забележана во друштво на соседот Клаус Гравовски, локален месар со криминално досие, вклучувајќи и злоупотреба на деца. Гравовски ја држел Ана во својот дом, каде што ја задушил со најлонски чорапи. Останува нејасно дали девојчето било сексуално нападнато.

Телото на Ана било скриено во картонска кутија и оставено покрај канал. Гравовски признал дека ја убил Ана, но негирал дека ја злоупотребил.

Неговата одбрана се темелела на тврдењето дека Ана се обидела да го уценува. Според него, девојчето наводно се заканувало дека ќе ја извести мајка ѝ ако не му дадел пари.

Одмаздата во судницата

Судењето на Гравовски предизвикало огромна болка и немир кај Маријана. На третиот ден од судењето, таа го извадила пиштолот од чантата и испукала осум куршуми. Шест од нив го погодиле Гравовски, кој починал на местото.

По настанот, Маријана изјавила: „Тој ја уби мојата ќерка. Сакав да му го пукам лицето, но го застрелав во грбот. Се надевам дека e мртов.“

Судењето и казната на Маријана

На судењето, таа сведочела дека ја видела својата ќерка во визија, која ѝ рекла да го убие Гравовски. Според психолозите, нејзината болка и траума биле огромни.

Маријана била осудена на шест години затвор за убиство. Сепак, по две години била ослободена во јуни 1985 година, поради добрo однесување.

Живот по трагедијата

По излегувањето од затвор, Маријана се преселила во Нигерија, каде што се омажила и останала до 90-те години. Подоцна се вратила во Германија.

Маријана починала на 17 септември 1996 година, на 46 години. Била погребана покрај својата ќерка Ана.