Гелги го држи гинисовиот рекорд како највисока жена на светот со 215,16 центиметри, додека Амге е најниската жена на светот со само 62,8 центиметри.Највисоката и најниската жена во светот вчера се состанаа на попладневен чај во Лондон за да ја прослават 20-годишнината од денот на Гинисовата книга на рекорди.
Румејса Гелги, 27-годишна турска веб-програмерка и индиската актерка Џиоти Амге (30), разговараа и ги споделија своите животни искуства за време на нивната средба во хотелот „The Savoy“.
Гелги го држи Гинисовиот рекорд како највисока жена во светот со 215,16 центиметри, додека Амге е најниската жена во светот со само 62,8 центиметри.
„Беше толку неверојатно што ја запознав Џиоти за прв пат. Понекогаш нѝ беше тешко да оствариме контакт со очите поради разликата во висината, но беше одлично. Имаме заеднички интереси. И двете сакаме шминка, да се грижиме за себе и за нашите нокти“, изјави Гелги.
Амге вели дека не ѝ било невообичаено тоа што имала средба со толку висока личност.
„Навикната сум да гледам нагоре и да гледам луѓе повисоки од мене, но бев толку среќна што денес го кренав погледот и ја видов највисоката жена на светот. Воодушевена сум што ја запознав Румејса, таа е толку добродушна и се чувствував многу удобно додека разговарав со неа“, вели Амге.
Гелги има ретка состојба наречена вивер синдром, која предизвикува брз раст и скелетни деформитети. Таа е всушност само 27-ми дијагностициран случај во светот и прв таков случај во Турција. Таа користи инвалидска количка и може да стои само краток период користејќи шетач, но одбива да дозволи нејзините физички предизвици да ја попречуваат.
Амге, која ја толкуваше улогата на „Ma Petite“ во американската ТВ серија „Американска хорор-приказна“, од друга страна, има синдром на џуџест раст наречен ахондроплазија.
По повод 70-годишнината од Гинисовиот рекорд, и двете беа почестени да бидат носечки икони на ова светско „натпреварување“ во годишниот преглед на рекорди, како и други човечки достигнувања и природни феномени. Покрај нив, таму се појавуваат и други неверојатни луѓе, како Дијана Армстронг, жената со најдолгите нокти, Султан Косен, највисокиот човек на светот и моќниот човек со инвалидитет Дејв Волш.
„Гинисовата книга на рекорди е посветена на славењето на разликите. Иконите на Гинисовата книга на рекорди се оние рекордери кои навистина го отелотворуваат нашиот дух. Доаѓаат од сите области, од науката и технологијата, спортот и уметноста и медиумите, а тие се и посветените рекордери кои ги гледаме од година во година – изјави главниот уредник на Гинисовата книга на рекорди“, Крег Глендеј.
