Луис Суарез е симбол за постигнување голови во текот на целата кариера, а тоа го продолжува и во новата средина во која едноставно не престанува да решета.
„Ел Пистолеро“ го избра Гремио по крајот на Светското првенство и на дебито постигна хет-трик, но не застана тука и сега повторно се погрижи за победа на неговиот тим.
Бразилскиот великан рано утрово оствари победа над Аиморе со резутлат 3:0, а триуфмот го потврди токму расниот голгетер кој едноставно делува како казнена експедиција.
GOL | Grêmio 2-0 Aimoré
— VAR Tático (@vartatico) February 4, 2023
⚽ Luis Suárez pic.twitter.com/dypRcsOXg2
Уругваецот најпрво постигна гол со глава по еден прекин од левата страна, но потоа ги постави конечните 3:0 по огромната грешка која мајсторски ја искористи.
Противничкиот стопер реагираше катастрофално, а Суарез со мајсторска завршница стигна до седмиот гол на петтиот меч во Гремио.
