Летот од Салвадор за Сао Паоло во Бразил се претворил во хаос откако во четвртокот во авион на „Gol Airlines“ избила масовна тепачка меѓу 15 жени кои меѓусебно си удирале шлаканици и врескале пред останатите шокирани патници.
На снимката од авионот се гледа како жените се борат и се влечат за коса, додека екипажот се обидува да ги раздвои. Во еден момент тепачката станала толку агресивна што една жена морала да ги покрие градите бидејќи и се скинала маицата.
Наводно расправијата избила меѓу две семејства откако една мајка прашала друг патник дали може да ги сменат седиштата со своето дете, кое има посебни потреби. Но, кога нејзиното барање било одбиено, таа побеснeла и почнала да го напаѓа.
Расправијата брзо ескалирала и завршила со масовна тепачка меѓу две групи на жени.
#Breaking
— Avia.Pro - War News, events, media (@avia_pro) February 3, 2023
On the plane, which was supposed to fly from El #Salvador to #Brazil, there was a massive female fight: about 15 women beat each other and even pulled off their clothes, while flight attendants unsuccessfully tried to separate them. pic.twitter.com/i0VeV687Js
Шокантната снимка покажува како жена со кадрава коса се обидува да скокне на седиштето зад неа за да дојде до друг патник. За среќа, во тоа била спречена од стјуардеса.
За неколку секунди друг патник вреска и напаѓа една жена, ја влече за коса и постојано и удира шлаканици. Во исто време уште една жена ја кубе за коса, која набрзо сфаќа дека во хаосот останала со голи гради.
Тепачката избила додека патниците чекале да полетаат, а стјуардесите успеале да исфрлат група од 15 патници од авионот, кој полетал со два часа задоцнување.
