Демонстрантите на денешниот протест против францускиот предлог пред зградата на Собранието запалија транспарент со фотографии на кој се прикажани пратеници од актуелниот парламентарен состав.
Транспарентот на кој пишуваше „Предавници на народот“ беше поставен на заштитната ограда пред Собранието, а околу зградата е евидентно големо полициско присуство.
Ова е петти ден граѓаните и дел од опозициските партии да го искажат своето незадоволство од францускиот предлог, за кој сметаат дека е штетен за државата и не ги штити државните интереси.
Фото: Република
