Командантот на украинскиот баталјон Азов, Денис Прокопенко, се огласил во петокот и зборувал за евакуацијата на луѓето од челичаната Азовстал во Мариупол.
Прокопенко, во видео обраќањето рекол дека цивилите и тешко ранетите украински борци се евакуирани од челичаната Азовстал во Мариупол во Украина.
Прокопенко рекол дека добиле наредба да престанат да го бранат Мариупол и да ги спасат животите на борците.
„Цивилите се евакуирани, а на тешко ранетите им е пружена неопходната помош, па и тие се евакуирани, за подоцна да бидат разменети и да пристигнат на територијата која ја контролира Украина“, изјавил Прокопенко, пренесува "Reuters".
Прокопенко рекол дека се уште е во тек процесот на извлекување на телата на оние кои загинале бранејќи го Азовстал и дека се надева дека во блиска иднина роднините на загинатите и Украина ќе можат чесно да ги погребаат своите војници, наведува "Reuters".
„Постојано нагласувавме дека за нас најважни се цивилите, ранетите и загинатите“, рекол Прокопенко на видео снимката која полкот Азов ја споделил на "Telegram".
‼ ️Appeal from the commander of the #AzovRegiment, Denis Prokopenko
— Save MARIUPOL ?? (@save_mrpl) May 20, 2022
‼️Звернення від командира полку «#Азов» підполковника Дениса Прокопенка@Polk_Azov #saveazov #SaveUkraine #Warinukraine #Azovstal pic.twitter.com/PEt2IUNvHR