38-годишната ѕвезда од серијата "Pretty Little Liars", глумецот Џулијан Морис им соопшти на фановите дека е геј по пат на Инстаграм.
Британскиот глумец споделил неколку фотографии и видеа со кои го покажа своето момче Лендон Рос со кој е во врска 18 години.
"Тоа беа најубавите години бидејќи ги поминав со тебе. Те сакам", напишал под објавата.
На својот профил се огласил и Лендон, велејќи дека "почетокот на 19-та година од нивната врска била најдобрата работа во животот".
Парот бил поддржан од многумина, а колегата на Морис од серијата Keegan Allen им порачал дека неговото срце "експлодирало" после овие фотографии.
"Љубовта секогаш победува", "Честитам", "Прекрасен пар", "Браво", "Многу ми е драго за вас", биле дел од коментарите.
Џулијан во серијата "Pretty Little Liars" го толкувал ликот на Врен Кингстон, а гледачите го знаат и по сериите "New Girl" и "Once Upon a Time", како и од филмовите "Little Women", "Man in an Orange Shirt", "Young Arthur".
