Во овој округ дошол и папата Франциско, во вторник на 14-ти септември.

Луник, населен покрај депонија, денеска се смета за една од најголемите заедници на Роми во Словачка, пишува "Paudal".

Единствена оаза во ова место, кое моментално има околу 4.000, е парохијата со која управуваат салезијанци и која e окружена со ограда и капии, на кои деца се качуваат пред свештеникот да ги замоли да не го прават тоа.

Тука мораме се да заклучуваме, вели отец Маријан Пециар, кој се приклучил на заедницата од четири религиозни лица на почетокот на септември.

"Големата разлика меѓу нас и другите организации кои работат овде е тоа што ние сме постојано тука", вели тој.

"Мештаните знаат дека сме тука поради нив, и имаме голема доверба во ова", додава тој.

Мајки на 15, баби на 30 години

Салезијанците дошле во Луник во летото 2008-ма година во договор со епархијата чии свештеници повеќе не можеле да ја вршат својата служба во соседството, минувајќи таму само неколку часа месечно.

Со потекло од Кошице, отец Петер Бешени бил одговорен за отворањето на оваа заедница, мисија на која се посветил "од послушност, а не по избор".

"Ова искуство со сиромашните од тогаш ме наведе да доживеам големи промени, бидејќи ја сфатив важноста на пренасочување на неколку работи кои навистина не прават среќни", рекол тој.

Ако салезијанци себеси не се гледаат како "социјални работници" и нивната "главна мисија е да водат до Христа", тие сепак им нудат конкретни услуги на жителите во тој крај, вели претпоставениот во заедницата.

"Од нашето доаѓање им помогнавме на многу луѓе да го напуштат Луник и да градат подобар живот на друго место", вели отец Бешени.

"Нашата мисија е постојано делување. Исто така работиме и со младите, жителите се отворени за живот со многу деца, но често немаат сили да ги образуваат. Во Луник жените се мајки веќе на 15, а баби на 30 години".